Kaltrina Kelmendi është profesoreshë e asociuar në Departamentin e Psikologjisë në Universitetin e Prishtinës. Ajo është e specializuar në psikologji sociale dhe ka përvojë të gjerë në dizajnimin e hulumtimeve me metoda të kombinuara, analizën e të dhënave dytësore mbi dhunën ndërpersonale dhe studimet me qasje pjesëmarrëse. Interesat e saj kërkimore përfshijnë dhunën në familje, dhunën me bazë gjinore, dhunën te të rinjtë, abuzimin me substanca dhe mbrojtjen e fëmijëve. Hulumtimet e saj më të fundit fokusohen në reziliencën në Kosovë dhe në Evropën Juglindore. Dr. Kelmendi ka qenë përfituese e bursës prestigjioze Fulbright si Visiting Scholar për vitin akademik 2020/2021.

Linda Hoxha është ligjëruese në Departamentin e Psikologjisë në Universitetin e Prishtinës. Ajo ligjëron në fushat e Psikologjisë së Edukimit, Analizës dhe Modifikimit të Sjelljes, Psikologjisë së Familjes dhe Testimit Psikologjik. Me mbi 15 vite përvojë akademike dhe praktike, puna e saj fokusohet në arsimin gjithëpërfshirës, mbrojtjen e të drejtave të fëmijëve dhe shëndetin mendor. Ajo ka kontribuar në zhvillimin e praktikave mësimore gjithëpërfshirëse dhe materialeve të ndjeshme ndaj gjinisë, si dhe ka bashkëpunuar me institucione kombëtare dhe organizata ndërkombëtare si Ministria e Arsimit, Save the Children dhe UNDP. Dr. Hoxha ka përfunduar doktoraturën në Universitetin Ludwig Maximilians (LMU) në Mynih.

Mimoza Gashi është psikologe klinike dhe psikoterapiste me përvojë të gjatë në vlerësimin dhe trajtimin e çështjeve të shëndetit mendor tek fëmijë, adoleshentë dhe të rritur. Ajo ka përfunduar studimet master në Psikologji Klinike në Universitetin e Prishtinës dhe programin specialistik në Psikologji Klinike dhe Psikoterapi pranë Ministrisë së Shëndetësisë, duke qenë e licencuar si specialiste që nga viti 2017. Gjithashtu është e licencuar nga Kolegji i Psikologëve të Ontarios në Kanada. Me përvojë klinike që nga viti 2004, puna e saj bazohet në ndërhyrje të bazuara në evidencë, duke integruar qasje humanistike, psikodinamike dhe kognitive-behaviorale, me fokus në ankth, depresion, trauma, probleme familjare dhe zhvillim personal. Mimoza Gashi, ka qenë bashkëthemeluese e ANAK dhe pjesë e vazhdueshme e kuvendit të saj.

Vigan Behluli është specialist i psikologjisë klinike dhe psikoterapist me përvojë në ofrimin e shërbimeve të shëndetit mendor dhe në avokimin për politika sociale të bazuara në evidencë. Ai ka përfunduar studimet master në Norfolk State University dhe programin e specializimit në Psikologji Klinike, të implementuar nga Universiteti i Bazelit në bashkëpunim me Ministrinë e Shëndetësisë së Kosovës. Në punën e tij terapeutike përdor një qasje eklektike të integruar, duke kombinuar elemente humaniste, kognitive-behaviorale dhe psikodinamike, me fokus në fuqizimin e klientit dhe identifikimin e burimeve personale. Ai është gjithashtu aktiv në organizata që mbrojnë të drejtat e personave me aftësi të kufizuara dhe promovojnë përmirësimin e shërbimeve të shëndetit mendor.

Blerton Ajeti u lind më 1979 në Gjilan. Studimet universitare i përfundoi në Universitetin Amerikan në Bullgari në degën Gazetari dhe Komunikim Masiv.

Nga viti 2005 deri në vitin 2008, ai punoi si gazetar në Gazeta Express, duke mbuluar tema kryesisht të natyrës politike dhe sociale.

Nga viti 2008 deri në vitin 2012, z. Ajeti ishte pjesë e Organizatës për Demokraci, Dinjitet dhe Antikorrupsion “Çohu!” ku u angazhua në kampanja, komunikim, hulumtime dhe aktivitete të tjera organizative.

Nga 2012 deri në kohën aktuale, z. Ajeti punoi me organizata ndërkombëtare në projekte zhvillimore në Kosovë, fillimisht me SIDA’n suedeze deri në vitin 2021 dhe pastaj me USAID deri në vitin 2025.

Përveç punës së tij profesionale, Z. Ajeti ka qenë i përfshirë në mënyrë aktive me ANAK-un, duke ofruar mbështetjen e tij vullnetare për misionin e tyre në përmirësimin e jetës së fëmijëve me autizëm dhe familjeve të tyre.

Rrezarta ka përfunduar studimet Bachelor në Universitetin e Prishtinës në vitin 2016. Aktualisht, Rrezarta është në përfundim të studimeve Master në Psikologji Vlerësimi dhe Intervenimi në Kolegjin Heimerer. Rrezarta është e licensuar si “Profesionist i shërbimeve Sociale dhe Familjare” nga Ministria e Drejtësisë. Gjatë periudhës së studimeve, ajo ka qenë aktive në punë praktike dhe vullnetare në ANAK, ndërsa që nga viti 2015 është bërë zyrtarisht pjesë e ekipit të ANAK, duke ushtruar rolin e Asistentes së Punës Terapeutike.

Nga viti 2016 deri në vitin 2021, Rrezarta ka qenë e angazhuar si Implementuese e Punës Terapeutike, ku ka kontribuar drejtpërdrejt në planifikimin dhe zbatimin e ndërhyrjeve terapeutike të individualizuara për fëmijët, duke përdorur metoda dhe teknika të bazuara në nevojat specifike zhvillimore dhe emocionale të secilit fëmijë. Më pas, ajo ka vazhduar angazhimin e saj profesional në rolin e Mbikëqyrëses së Punës Terapeutike.

Aktualisht, Rrezarta është e angazhuar si Mbikëqyrëse dhe Trajnere për prindër, ku zhvillon trajnime individuale dhe ofron mbështetje të vazhdueshme për familjet, me fokus në fuqizimin e prindërve dhe përmirësimin e funksionimit familjar përmes qasjeve terapeutike të strukturuara dhe bashkëpunuese.

Ajo ka mbi 10 vjet përvojë në punën terapeutike me fëmijë dhe familje. Në rolin e saj aktual, Rrezarta mbështet zhvillimin profesional të ekipit dhe kontribuon në rritjen e cilësisë së ndërhyrjeve terapeutike përmes udhëzimit, mentorimit profesional dhe reflektimit bashkëpunues me kolegët.

Mirjeta ka përfunduar studimet Bachelor në vitin 2017 në Universitetin e Prishtinës, në Departamentin e Psikologjisë. Aktualisht, ajo ndjek studimet Master në Kolegjin AAB në programin Psikologji Organizative dhe Këshillim. Gjithashtu, Mirjeta ka përfunduar trajnimet në qasjen e Psikoterapisë Pozitive – niveli bazik.
Mirjeta është e licensuar si “Profesionist i shërbimeve Sociale dhe Familjare” nga Ministria e Drejtësisë.
Që nga viti 2017, ajo është pjesë e ekipit të ANAK, fillimisht e angazhuar në rolin e Asistentes së Punës Terapeutike.

Që nga viti 2018, Mirjeta është angazhuar në rolin e Implementueses së Punës Terapeutike. Me rreth 10 vjet përvojë në edukimin dhe punën me fëmijë, ajo është e përfshirë në mënyrë aktive në zbatimin e ndërhyrjeve terapeutike, duke kontribuar në organizimin dhe ofrimin e seancave dhe aktiviteteve të përshtatura sipas nevojave individuale zhvillimore dhe emocionale të fëmijëve.

Përveç punës me fëmijë, Mirjeta është e angazhuar edhe në zhvillimin dhe realizimin e seancave për zhvillimin e aftësive me të rritur, duke aplikuar qasje të strukturuara dhe mbështetëse.

Ademi është pjesë e ekipit të ANAK që nga viti 2020, ku shërben si Implementues i Punës Terapeutike. Ai është gjithashtu i angazhuar si Asistent në procesin e vlerësimeve zhvillimore të fëmijëve dhe kontribuon në mënyrë aktive në hartimin e planeve individuale të ndërhyrjes, duke ndihmuar në përcaktimin e objektivave të personalizuara, sipas nevojave specifike të secilit fëmijë.

Ai gjithashtu asiston në monitorimin e progresit të fëmijëve, mbledhjen e të dhënave dhe raportimin e rezultateve, duke kontribuar në përmirësimin e vazhdueshëm të programeve dhe metodave terapeutike të organizatës. Përmes këtij angazhimi të gjerë, Ademi ndihmon në krijimin e një mjedisi mbështetës dhe të personalizuar që mbështet zhvillimin dhe mirëqenien e fëmijëve.

Erblina ka përfunduar studimet Bachelor në Universitetin e Prishtinës në vitin 2017 dhe ka mbi 8 vjet përvojë në procesin e edukimit dhe punës me fëmijë. Aktualisht, Erblina është në përfundim të studimeve Master në Psikologji Klinike në Kolegjin Heimerer.
Erblina është e licensuar si “Profesionist i shërbimeve Sociale dhe Familjare” nga Ministria e Drejtësisë.
Ajo i është bashkuar ekipit të ANAK në vitin 2022, duke u angazhuar në rolin e Implementueses së Punës Terapeutike.

Në këtë rol, Erblina është e përfshirë në zbatimin e ndërhyrjeve terapeutike me fëmijët, duke ndjekur Planet Individuale të Zhvillimit, të hartuara për secilin fëmijë dhe duke kontribuar në një qasje të strukturuar, të qëndrueshme dhe të individualizuar ndaj procesit terapeutik. Angazhimi i saj profesional reflekton përkushtim ndaj nevojave zhvillimore, emocionale dhe edukative të fëmijëve.

Ernisa ka përfunduar studimet Bachelor në vitin 2023 në Universitetin e Prishtinës, në Departamentin e Psikologjisë. Aktualisht, Ernisa ndjek studimet Master në Universitetin e Prishtinës, në Departamentin e Psikologjisë. Ernisa është e licensuar si “Profesionist i shërbimeve Sociale dhe Familjare” nga Ministria e Drejtësisë.
Ajo është pjesë e ekipit të ANAK që nga viti 2024, fillimisht e angazhuar në rolin e Asistentes së Punës Terapeutike për një periudhë njëvjeçare, ndërsa më pas ka vazhduar angazhimin e saj profesional si Implementuese e Punës Terapeutike.

Në këtë rol, Ernisa ndihmon në ofrimin e ndërhyrjeve terapeutike për fëmijët, duke mbështetur seancat individuale në përputhje me Planet Individuale të Zhvillimit të hartuara për secilin fëmijë. Ajo kontribuon në zbatimin e ndërhyrjeve të strukturuara dhe të individualizuara, të orientuara drejt nevojave zhvillimore dhe emocionale të fëmijëve.

Londa ka përfunduar studimet në Universitetin e Prishtinës, Departamentin e Psikologjisë në vitin 2025. Ajo i është bashkuar ekipit të ANAK në vitin 2025 dhe është e angazhuar në rolin e Asistentes së Punës Terapeutike.

Në këtë rol, Londa ofron asistencë profesionale të vazhdueshme gjatë procesit terapeutik, duke kontribuar në zbatimin e planeve individuale të trajtimit dhe në ndjekjen e objektivave terapeutike të fëmijëve. Përmes përkushtimit dhe bashkëpunimit të ngushtë me ekipin terapeutik, ajo mbështet realizimin e ndërhyrjeve të strukturuara dhe të përshtatura sipas nevojave specifike të secilit fëmijë.

Në raste të caktuara, Londa angazhohet edhe në mbulimin e seancave terapeutike në rolin e terapistës zëvendësuese duke siguruar vazhdimësi, qëndrueshmëri dhe cilësi në ofrimin e shërbimeve terapeutike.